AF268: 52r

fetḥ‑nāme‑i qalʿe‑i Egri ki yekī ez eşrāfāne [?] cānib‑i [?] ʿAlī Paşa Elvend‑zāde nüvişte ast
ʿĀlī‑ḥażret bülend‑himmet seʿādetlü sulṭānum ḥażretlerinüñ vālā rütbetlerine hezār iʿtiẕār ve quṣūr ile ʿarż-i bende-i bī‑minnet [?] budur ki // gerdūn‑i ḥaşmet‑i sipihr menzilet‑i Sikender‑cāh Süleymān‑i bārgāh‑i pādişāh‑i ʿālem‑penāh‑i livā‑yi vālā‑yi wa‑ǧāhidū fī llāhi ḥaqqa ǧihādihī ve ʿilm‑i ʿarş‑fersā‑yi yā ayyuhā n‑nabiyyu ḥariḍi l‑muʾminīna ʿala l‑qittāli açub niyyet‑i cihād‑nigār‑i siyāh [?] rūzgār // ber‑muqteżā‑yi yā ayyuhā n‑nabiyyu ǧāhidi l‑kuffāra wa‑l‑munāfiqīna wa‑ġluẓ ʿalayhim ṣīt u ṣadā‑yi quvvet‑i qāhire‑i // ḥüsrevānī [!] ṣalub taqvīyet‑i dīn‑i mübīn ve icrā‑yi ḥamīyet‑i ecdād‑i salāṭīn‑i pīşīn içün ḥaqq celle ve ʿalānuñ // ʿuluvv‑i ʿināyetine tevekkül ve resūlu s̱‑s̱aqaleyn ḥażretlerinüñ muʿcizāt‑i kes̱īretü l‑berekātlarına tevessül qılub ve çehār‑yār‑i güzīn‑i rıżvānu llāhu // taʿālā ʿaleyhüm ecmaʿīn ḥażretlerinden istimdād ėdüb ber‑saʿd‑i sāʿat ve vaqt‑i mübārekede semend‑i seʿādet‑mendlerine // süvār olub diyār‑i Üngürūs‑i menḫūs [!] üzerine sefer‑i hümāyūn‑i nuṣret‑maqrūna teveccüh ve ʿazīmet buyurub devlet ü iqbāl ve seʿādet // ü iclālle qırq kāmil‑menzilet nefs‑i Belġrād‑i sengīn-bünyāda nüzūl buyurub ẕeḫāyir ve sāyir yat u yaraq ve mühimmāt‑i sefer tedāriki // ve nehr‑i Ṭūnanuñ üzerinde cisr‑i cedīd qurılmaġ‑içün maḥall‑i mezbūrda on iki gün miqdārı iqāmet buyurub bu ʿabd‑i kemterleri // cenāb‑i ʿālīlerinden mufāraqat ėdüb qaṭʿ‑i merāḥil ve ṭayy‑i menāzil ile menzil‑i mezbūrda ordu‑yi hümāyūna vāṣıl u dāḫil // olub ḫidmet‑i duʿāda qāyim qullarıyuz devletlü ve ʿaẓametlü pādişāh‑i ẓıllu llāh ḥażretleri vüzerā‑yi Āṣaf‑rā ile dīvān // ü müşāvere ėdüb Erdel [!] Erdelüñ bu qadar ihānet ü şenāʿeti ẓāhir ve ʿiṣyān u ṭuġyān bāhir iken yanından geçüb gitmek // münāsib görülmeyüb qāʿide‑i ġażab‑i şehr‑yārī muqteżāsınca gūşmāl vėrmek içün qurılan cisr‑i cedīdden mürūr ėdüb // Erdel ṭaraflarına tevecühh‑i hümāyūn‑i pādişāhī müvecceh görilmiş‑iken Qomārān nām qalʿe‑i nekbet sezālarında küffār‑i ḥāksāruñ [!] vāqiʿ olan // cemʿīyet ve ṭābūr‑i maqhūrları qalqub memālik‑i maḥrūseden intihā‑yi serḥadde olan Ḥaṭvān nām qalʿenüñ üzerine müstevlī // olduġına ṣaḥīḥ ḫaber gelüb iʿānet ü muʿāvenet ricāsında olmaġın qadīmī küffār‑i eşrārīnüñ melāẕ u merciʿi ve Üngürūs‑i // maʿkūs ile Erdel memleketlerinüñ mā‑beynlerinde kilīdi ve cemʿīyetleri maḥallī olub selāṭīn‑i selef fetḥ ü tesḫīri arzūsıyla // ʿömrler ifnā ėdüb ve merḥūm mefḫūr Firdevs‑mekān sulṭān Süleymān Ḥān [!] ʿale r‑raḥmete ve r‑rıżvān evāsiṭ‑i salṭanetlerin // vezīr‑i aʿżam Aḥmed Paşa merḥūmı niçe biñ qapu qulı ve Rūm ėli ʿaskerin gönderüb nice zamān muḥāṣara ve muḥāṣama [!] ėdüb ṣarf‑i himmet ü beẕl‑i // qudret ėtmiş‑iken gėrü tesḫīri müyesser olmayan Egri nām qalʿe‑i üstüvār ki ẕikr olunan Ḥaṭvān qalʿesine [...] [...] // menzil‑ile bir günlik yoldur ʿinān‑i ʿazīmet anuñ üzerine münʿāṭıf olmaq reʾy‑i ṣavāb görilüb defʿ‑i aʿdā ve fetḥ‑i [...] // aşirrā ümīẕiyle şehr‑i Ẕī l‑ḥiccetü l‑ḥarāmuñ yigirmi yedinci güni nehr‑i Ṣavānuñ üzerinde vażʿ olunan cisr‑i maʿmūrenüñ üzerinden // devletle ʿubūr ve Zemūn ṣaḥrāsına nüzūl buyurub ol gün yeñiçeriler aġasını ʿumūmen yeñiçeri ʿaskeriyle ordu‑yi hümāyūndan